Айрим турдаги кредит буюртмаларини қабул қилиш вақтинча тўхтатилганлиги тўғрисида

Эпидемиологик вазият кескинлашгани сабабли Республика махсус комиссияси қарорига кўра, 10 июлдан 1 августгача бўлган муддатда Республика бўйича карантин чоралари кучайтирилмоқда.

Шу муносабат билан автокредит, микроқарз, ипотека ва истеъмол кредитлари бўйича кредит буюртмаларини қабул қилиш вақтинча тўхтатилганлигини маълум қиламиз. 2020 йил 9 июлгача қабул қилинган барча буюртмалар ўрнатилган тартибда кўриб чиқилади ва ижобий қарор қабул қилинган тақдирда молиялаштирилади.

Овердрафт кредитлари бўйича буюртмаларини қабул қилиш белгиланган тартибда давом эттирилади.