Plastik kartalar xavfsizligi
Xavfsizlik turli xil bo‘ladi.Kartalaringizning xavfsizligi haqida gaplashamiz
Afsuski, «karta» firibgarlari bilan bog‘liq noxush holatlar tobora ko‘payib bormoqda. Biroq, o‘zingizni va moliyaviy ahvolingizni himoya qilish sizning qo‘lingizda.
- Hech qachon kodlar, parollar va kartaning to‘liq ma’lumotlarini hech kim bilan bo‘lishmang.
- Bank xodimlari hech qachon kartaning kodini, PIN-kodni, shuningdek, bank tomonidan SMS orqali yuborilgan kodlarni so‘ramaydi.
- Tranzaksiyalar haqidagi SMS-xabarlarni yoki push-bildirishnomalarni ulang. Siz kartadagi barcha to‘lovlardan xabardor bo‘lasiz va qandaydir noxush vaziyat ro‘y bersa, siz kartani tezda bloklashingiz mumkin.
- Noma’lum raqamlardan sizga yuborilgan havolalar orqali o‘tmang.
- Tovarlar/xizmatlar uchun to‘lovlarni kartangizdan boshqalarning gadjetlari orqali amalga oshirmang.
- Karta ma’lumotlarini faqat ishonchli kompaniyalarning xavfsiz saytlariga kiriting.
- Kartalaringiz uchun PIN-kod sifatida murakkab kombinatsiyalardan foydalaning.