Karyera kuni: InfinBANK yangi imkoniyatlarni taqdim etmoqda
14-fevral kuni InfinBANK’ning HR jamoasi New Uzbekistan University’da tashkil etilgan "Karyera kuni" tadbirida ishtirok etdi.
Tadbirda 500 dan ortiq talabalar va 52 ta yetakchi ish beruvchi kompaniyalar ishtirok etdi. InfinBANK stendi o‘ziga katta qiziqish jalb qildi: kun davomida talabalar bilan 200 dan ortiq shaxsiy uchrashuvlar o‘tkazildi va 65 ta rezyume olindi.
Ishtirokchilar bank sohasidagi karyera imkoniyatlari, amaliyot dasturlari va kasbiy rivojlanish yo‘nalishlari haqida ma’lumot oldilar. Muhokama ochiq va samarali tarzda o‘tkazildi.
InfinBANK, shuningdek, universitet rahbariyati bilan hamkorlik istiqbollari, amaliyot dasturlarini kengaytirish va iqtidorli bitiruvchilarni jalb etish masalalarini ko‘rib chiqdi. Bu strategik hamkorlik uchun mustahkam poydevor yaratadi.
InfinBANK yosh mutaxassislarni qo‘llab-quvvatlash va kelajak yetakchilarini yetishtirish bo‘yicha tizimli ishlarini izchil davom ettirmoqda.