InFinBank AJ va Oppenheimer Europe Ltd. strategik hamkorlikni rivojlantirish to‘g‘risidagi bitimni imzoladi

InFinBank AJ va Oppenheimer Europe Ltd. strategik hamkorlikni rivojlantirish to‘g‘risidagi bitimni imzoladi

TOSHKENT – 2026-yil 19-iyun – InFinBank AJ va Oppenheimer Europe Ltd. (Buyuk Britaniya) investitsiya kompaniyasi hamkorlik to‘g‘risida ikki tomonlama bitim tuzdi. Mazkur hujjat tomonlarning xalqaro moliya bozorlarida qo‘shma loyihalarni amalga oshirish uchun tajriba va resurslarni birlashtirishga qaratilgan uzoq muddatli sheriklik munosabatlarini rivojlantirishdan o‘zaro manfaatdor ekanini rasman tasdiqlaydi.

Moliya institutlarining qo‘shma faoliyati bir nechta asosiy yo‘nalishlarga, jumladan, aksiyadorlik va qarz kapitali bozorlariga qaratilgan bo‘lib, bu borada tomonlar tuzilmalashtirish, anderrayting, qimmatli qog‘ozlarni joylashtirish va umumiy korporativ moliyalashtirish imkoniyatlarini o‘rganishni asosiy vazifalar sifatida belgilagan. Yetakchi xalqaro agentliklardan kredit reytinglarini olish, saqlab turish yoki oshirishga ko‘maklashish maqsadidagi reyting konsaltingi sohasidagi hamkorlik o‘zaro aloqalarning muhim qismiga aylanadi. Bundan tashqari, memorandumda kastodial hisobvaraqlarni ochish va boshqarish, kliring o‘tkazish hamda aktivlarga xizmat ko‘rsatish bo‘yicha ilg‘or yechimlarni joriy etish uchun salohiyatli tuzilmalarni baholash ko‘zda tutilgan.