"Zolotaya Korona" pul o‘tkazmalari InfinBANK ofislarida yana yo‘lga qo‘yildi
InfinBANK barcha bank filiallarida "Zolotaya Korona" pul o‘tkazmalari tizimi faoliyati tiklanganini ma’lum qiladi. Mazkur xizmat yaqinlarga mablag‘ jo‘natish, shuningdek, xorijdan pul o‘tkazmalarini qabul qilish uchun tezkor transchegaraviy o‘tkazmalarni amalga oshirish imkonini beradi.
Bank mijozlari hisobvaraq ochmasdan turib operatsiyalarni tezkor rasmiylashtirishlari mumkin. Xizmatlar to‘lov tizimining amaldagi tariflari hamda bankning xavfsizlik standartlariga muvofiq ko‘rsatiladi.
O‘tkazmani rasmiylashtirish uchun shaxsni tasdiqlovchi hujjat bilan InfinBANKning istalgan filialiga murojaat qilish zarur.
Tariflar va filiallar manzillari haqida qo‘shimcha ma’lumotni aloqa markazining 1214 qisqa raqami orqali olishingiz mumkin.