|
Kreditlash shakli:
1) Kredit shartnomasini (KSh) bir marotaba tuzish orqali, bunda:
- kredit liniyasini ochmasdan (bir martalik ajratma yoki o‘tkazmalar shaklida);
- qayta tiklanuvchi kredit liniyasini ochgan holda;
2) Ramkali kredit liniyasini (RKL) ochish orqali, uning doirasida ikki yoki undan ortiq individual kredit shartnomalari (IKSh) tuzilishi mumkin, bunda:
- kredit liniyasini ochmasdan (bir martalik ajratma shaklida);
|
|
Kreditlash muddati:
RKL bo‘yicha maksimal muddat: 36 oygacha;
KSh/IKSh doirasidagi maksimal muddat: 36 oygacha.
|
|
Asosiy qarzni to‘lash bo‘yicha imtiyozli davr: 3 oygacha.
|
|
Kredit maqsadi:
- mikromoliya tashkilotlari (MT) uchun: mijozlarni keyinchalik kreditlash maqsadida kreditlar ajratish, shuningdek o‘z ehtiyojlari uchun aktivlar sotib olish;
- lizing tashkilotlari (LT) uchun: lizing/arenda obyektlarini, shuningdek o‘z ehtiyojlari uchun aktivlarni sotib olish maqsadida kreditlar ajratish.
|
|
Kreditlash usuli:
- mikromoliya tashkilotlari (MT) uchun: kredit mablag‘lari qarz oluvchining talab qilib olinguncha depozit hisobvarag‘iga o‘tkaziladi va MT mijozlarini moliyalashtirish uchun, shuningdek taqdim etilgan oldi-sotdi shartnomalariga (jumladan, import shartnomalariga) muvofiq ravishda MTning ssuda hisobvarag‘idan yetkazib beruvchilarning joriy hisoblariga naqd pulsiz yo‘l bilan o‘tkaziladi.
- lizing tashkilotlari (LT) uchun: lizing/arenda obyektlarini yetkazib beruvchilarning joriy hisoblariga LTning ssuda hisobvarag‘idan taqdim etilgan oldi-sotdi shartnomalariga (jumladan, import shartnomalariga) muvofiq ravishda naqd pulsiz yo‘l bilan o‘tkaziladi.
|
|
Kredit valyutasi:
- O‘zbekiston Respublikasi milliy valyutasi — so‘m.
- Chet el valyutasi.
|
|
Foiz stavkasi: 26% dan – milliy valyutadagi kreditlar bo‘yicha
12,99% dan – xorijiy valyutadagi kreditlar bo‘yicha
|
|
Kreditning minimal miqdori: belgilanmagan.
|
|
Kreditning maksimal miqdori: belgilanmagan, mijozning kreditga layoqatliligidan kelib chiqib, O‘zbekiston Respublikasi Markaziy bankining iqtisodiy me’yorlari doirasida individual tarzda hisoblanadi.
|
|
Kreditni so‘ndirish tartibi: oyma-oy, annuitet yoki differensial to‘lovlar shaklida
|
|
Qabul qilinadigan ta’minot turlari:
- «InFinBank» AJda ochilgan hisoblarda joylashgan erkin konvertatsiya qilinadigan va milliy valyutadagi pul mablag‘lari garovi;
- banklar va sug‘urta kompaniyalari kafolatlari;
- ko‘chma va ko‘chmas mulk garovi;
- mulkiy huquq (talab huquqi) garovi;
- davlat qimmatli qog‘ozlari, O‘zbekiston Respublikasi Markaziy banki qimmatli qog‘ozlari, amaldagi qonunchilikda taqiqlanmagan boshqa qimmatli qog‘ozlar hamda ustav fondlaridagi ulushlar garovi;
- to‘lov qobiliyati va moliyaviy barqarorligi tekshirilgan uchinchi shaxslarning kafilligi;
- moliyaviy jihatdan barqaror sug‘urta kompaniyalarining sug‘urta polis(lar)i;
- amaldagi qonunchilikda taqiqlanmagan boshqa ta’minot turlari.
|
|
Kredit oluvchi va uning faoliyatiga qo‘yiladigan majburiy talablar:
- Kredit oluvchining tadbirkorlik subyekti sifatida davlat ro‘yxatidan o‘tganiga kamida 12 oy bo‘lgan bo‘lishi;
- “InFinBank” AJda talab qilib olinadigan (asosiy yoki qo‘shimcha) depozit hisobvarag‘ining mavjudligi;
- Salbiy kredit tarixining yo‘qligi;
- qarz oluvchining joriy va prognoz qilinayotgan pul oqimlari kreditni o‘z vaqtida qaytarish uchun yetarli bo‘lishi;
- qarz oluvchining balansi likvid bo‘lishi va faoliyati zarar keltirmasligi;
- tegishli ruxsatnomalar va litsenziyalarning mavjud bo‘lishi;
- qarz oluvchi (mikromoliya tashkilotlari uchun) O‘zbekiston Respublikasi Markaziy bankining prudensial me’yorlariga muvofiq 2023 yil 11 yanvardagi 3412-son “Mikromoliya tashkilotlari va lombardlar faoliyatini muvofiqlashtirish va tartibga solish to‘g‘risida”gi Nizom talablariga javob berishi;
- qarz oluvchining kredit (lizing) portfelidagi muammoli aktivlar (NPL) ulushi 5% dan oshmasligi;
- mikromoliya tashkilotlari uchun kapital yetarliligi koeffitsienti (lizing tashkilotlari uchun – avtonomlik koeffitsienti) yangi olinayotgan kreditni hisobga olgan holda kamida 25% bo‘lishi;
- Bankning mahalliy normativ hujjatlarida belgilangan qarz oluvchiga qo‘yiladigan boshqa talablar.
|
|
Moliyalashtirishni ochish tartibi: Moliyalashtirish, ta’minot amaldagi qonunchilik va Bankning ichki hujjatlarida belgilangan tartibda rasmiylashtirilgan hamda garov obyektining sug‘urtasi taqdim etilgandan so‘ng ochiladi.
|
|
Kredit oluvchi tomonidan taqdim etiladigan hujjatlar ro‘yxati:
- Kredit shartlari va ta’minotini to‘liq tavsiflovchi kredit arizasi;
- Qarz oluvchining davlat ro‘yxatidan o‘tganligi to‘g‘risidagi guvohnoma;
- Кorxonaning ustavi va ta’sis hujjatlarining barcha o‘zgartirishlar bilan birga nusxalari;
- Qarz oluvchi nomidan kredit shartnomasini imzolash huquqiga ega shaxsning vakolatini tasdiqlovchi hujjatlar nusxasi, agar shaxs vakil bo‘lsa, imzo namunalarini ham o‘z ichiga olgan holda;
- Loyiha bo‘yicha texnik-iqtisodiy asos (TIA) yoki biznes-reja;
- Qarz oluvchining vakolatli organi tomonidan kreditni zarur miqdorda va tegishli shartlarda olish hamda ta’minot taqdim etish to‘g‘risidagi qaror;
- Agar qarz oluvchining boshqa banklarda hisobvaraqlari mavjud bo‘lsa — xizmat ko‘rsatuvchi banklardan qarz oluvchining kreditlar, lizing, akkreditivlar va boshqa majburiyatlar bo‘yicha qarzi mavjudligi/mavjud emasligi haqida ma’lumotnomalar, shuningdek so‘nggi 12 oy uchun aylanmalar to‘g‘risidagi ma’lumot (xizmat ko‘rsatuvchi bank xati va elektron tafsilot shaklida);
- So‘ralayotgan kredit hisobidan to‘lanadigan shartnomalar, zarurat tug‘ilganda ularga yuridik xulosa ilova qilinadi;
- Taqdim etilayotgan ta’minotga oid hujjatlar — «InFinBank» AJ korporativ kreditlash bo‘linmalari tomonidan amalga oshiriladigan kredit operatsiyalari bo‘yicha ta’minotni qabul qilish tartibi to‘g‘risidagi yo‘riqnoma (PSK-194) talablariga muvofiq.
Mikromoliya tashkilotlari uchun alohida:
So‘nggi moliyaviy yil uchun hamda joriy oyning birinchi sanasiga tuzilgan moliyaviy va boshqa hisobotlar, O‘zbekiston Respublikasi Markaziy bankining 2023 yil 11 yanvardagi 3412-son qaroriga muvofiq tasdiqlangan shaklda, jumladan: Balans hisobotlari (4-ilova); Moliyaviy natijalar to‘g‘risidagi hisobot (5-ilova); Kapitaldagi o‘zgarishlar to‘g‘risidagi hisobot (6-ilova); Ko‘rsatilgan mikromoliya xizmatlari portfeli (7 va 8-ilovalar); Qimmatli qog‘ozlar va investitsiyalar portfeli (9-ilova); Jalb qilingan mablag‘lar to‘g‘risidagi ma’lumot (10-ilova); Berilgan kafolatlar va kafilliklar to‘g‘risidagi ma’lumot (11-ilova); Prudensial me’yorlarga rioya etilishi to‘g‘risidagi ma’lumot (12-ilova).
Lizing tashkilotlari uchun alohida:
So‘nggi moliyaviy yil uchun hamda joriy oyning birinchi sanasiga tuzilgan buxgalteriya balansi va moliyaviy natijalar to‘g‘risidagi hisobot (O‘zbekiston Respublikasi Adliya vazirligining 2003 yil 24 yanvardagi 1209-son bilan tasdiqlangan shaklda), asosiy vositalar, debitorlik va kreditorlik qarzlarining tafsiloti, shuningdek quyida keltirilgan shakl bo‘yicha joriy oyning birinchi sanasiga tuzilgan lizing portfeli.
|
