Avtokredit

Kreditlash shakli: Kredit liniyasi ochilmasdan (bir martalik berish yoki transhlar bilan ajratish)

Kredit maqsadi: Tadbirkorlik faoliyatini olib borayotgan korporativ mijozlarga ma’muriy va vakillik ehtiyojlari uchun ko‘pi bilan 2 ta yengil avtotransport vositasini (yangi yoki ishlatilgan) sotib olish maqsadida kreditlar taqdim etish.

Kreditlash usuli: Mijozning ssuda hisobvarag‘idan yetkazib beruvchilarning joriy hisobvaraqlariga yoki plastik kartalariga taqdim etilgan oldi-sotdi shartnomalariga muvofiq naqd pulsiz mablag‘ o‘tkazish.

Kredit muddati: 36 oygacha

Asosiy qarzni to‘lash bo‘yicha imtiyozli muddat o‘rnatish imkoniyati: 6 oygacha.

Kredit valyutasi: O‘zR milliy valyutasi – so‘m. Chet el valyutasi.

Foiz stavkasi:

• 23,99% dan boshlab – milliy valyutadagi kreditlar bo‘yicha

• 12,99% dan boshlab – chet el valyutadagi kreditlar bo‘yicha

Kreditning minimal summasi: belgilanmagan.

Kreditning maksimal summasi: belgilanmagan, O‘zR Markaziy bankining iqtisodiy me’yorlari doirasida mijozning to‘lovga qobiliyatini hisobga olgan holda yakka tartibda hisoblanadi.

Kreditni so‘ndirish: har oylik, annuitet yoki tabaqalashtirilgan to‘lovlar bilan.

Muvofiq ta’minot turlari:

• "InFinBank" AJda ochilgan hisobraqamlardagi erkin ayirboshlanadigan va milliy valyuta ko‘rinishidagi pul mablag‘larining garovi;

• bank va sug‘urta kompaniyalarining kafolatlari;

• ko‘char va ko‘chmas mulk garovi;

• mulkiy huquq (talab) garovi;

• davlat qimmatli qog‘ozlari, O‘zbekiston Respublikasi Markaziy banki qimmatli qog‘ozlari garovi, amaldagi qonunchilikda taqiqlanmagan boshqa qimmatli qog‘ozlar garovi hamda ustav fondlaridagi ulushlar;

• kredit mablag‘lari hisobiga quriladigan obyektlar;

• to‘lov qobiliyati va moliyaviy ishonchliligi tekshirilgan uchinchi shaxslarning kafilligi;

• moliyaviy barqaror sug‘urta kompaniyalarining sug‘urta polislari;

• amaldagi qonun hujjatlarida taqiqlanmagan boshqa ta’minot turlari.

Ta’minlanganlik foizi:

• Kredit summasining kamida 125 foizi.

• Qarz oluvchi bank bilan bog‘liq bo‘lgan taqdirda, qonun hujjatlarida belgilangan miqdorlarda.

Qarz oluvchilarga qo‘yiladigan majburiy talablar:

• O‘zbekiston Respublikasi qonunchiligida belgilangan tartibda ro‘yxatdan o‘tgan tadbirkorlik subyektlari;

• "InFinBank" ATBda talab qilib olinguncha depozit hisobvarag‘i (asosiy yoki ikkilamchi) mavjud bo‘lishi;

• Qarz oluvchi/Birgalikda qarz oluvchi/Kafilning salbiy kredit tarixi bo‘lmasligi;

• Qarz oluvchi/ Birgalikda qarz oluvchi/Kafilning joriy pul oqimlari kreditni o‘z vaqtida to‘lash uchun yetarli bo‘lishi;

• Qarz oluvchi/ Birgalikda qarz oluvchi/Kafil likvid balansga ega bo‘lishi va faoliyati zararsiz bo‘lishi;

• Potensial Qarz oluvchi/ Birgalikda qarz oluvchi/Kafilga qo‘yiladigan boshqa talablar, ta’minot va kredit olish shartlari Bankning Kredit siyosati hamda tegishli ichki me’yoriy hujjatlari bilan tartibga solinadi.

Qarz oluvchi tomonidan taqdim etiladigan hujjatlar ro‘yxati:

• Kreditlash va kredit ta’minoti bo‘yicha barcha shartlar batafsil yozilgan kredit arizasi;

• Qarz oluvchining davlat ro‘yxatidan o‘tganligi to‘g‘risidagi guvohnoma;

• Korxonaning ustavi va ta’sis hujjatlarining barcha o‘zgartirishlar bilan birgalikdagi nusxasi;

• Agar shaxs qarz oluvchining vakili bo‘lsa, uning qarz oluvchi nomidan kredit shartnomasini imzolash huquqini tasdiqlovchi hujjatlar nusxasi, imzo namunalari;

• So‘nggi moliyaviy yil uchun hamda joriy oyning birinchi sanasiga buxgalteriya balansi va moliyaviy natijalar to‘g‘risidagi hisobot ko‘rinishidagi moliyaviy hisobot, asosiy vositalar, debitorlik va kreditorlik qarzlarining tafsilotlari;

• Qarz oluvchining vakolatli organi tomonidan tegishli shartlarda zarur kredit miqdorini jalb etish va kredit bo‘yicha ta’minot taqdim etish to‘g‘risida qabul qilingan qaror.;

• Qarz oluvchining boshqa banklarda hisobraqamlari mavjud bo‘lsa, xizmat ko‘rsatuvchi banklarning qarz oluvchida kreditlar, lizing, akkreditivlar va boshqa majburiyatlar bo‘yicha qarzdorlik yo‘qligi/mavjudligi to‘g‘risidagi ma’lumotnomalari, shuningdek xizmat ko‘rsatuvchi bankning rasmiy xati ko‘rinishida so‘nggi 12 oydagi aylanmalar haqidagi ma’lumotlar hamda ularning elektron shaklda batafsil tavsifi;

• So‘ralayotgan kredit mablag‘lari hisobiga to‘lanadigan avtotransport vositalarini sotib olish uchun tuzilgan shartnomalar;

• "InFinBank" AJning korporativ kreditlash bo‘linmasi tomonidan amalga oshiriladigan kredit operatsiyalari bo‘yicha ta’minot predmetini qabul qilish va baholash tartibi"ga muvofiq taqdim etiladigan ta’minot bo‘yicha hujjatlar 

Jalb etilgan mablag‘lar hisobidan ushbu mahsulot doirasida kredit berish shartlari jalb etilgan liniyalar shartlaridan kelib chiqqan holda belgilanadi.