Aylanma kapitalini to‘ldirish

Kreditlash shakli:

• Kredit liniyasi ochilmasdan (bir martalik berish yoki transhlar bilan ajratish)

• Qayta tiklanadigan kredit liniyasini ochgan holda.

Kredit maqsadi: Tadbirkorlik faoliyatini yurituvchi korporativ mijozlarga, tovar-moddiy boyliklarni sotib olish va xizmatlarga haq to‘lash, shuningdek tashkilotlarning uzluksiz faoliyati bilan bog‘liq boshqa xaridlar va xarajatlarni moliyalashtirish uchun aylanma mablag‘larni to‘ldirish maqsadida kreditlar berish.

Kreditlash usuli: Mijozning ssuda hisobraqamidan yetkazib beruvchilarning joriy hisobraqamlariga yoki plastik kartochkalariga taqdim etilgan oldi-sotdi shartnomalari, shu jumladan import shartnomalariga muvofiq naqd pulsiz pul mablag‘larini o‘tkazish.

Kredit muddati: 60 oygacha

Asosiy qarzni to‘lash bo‘yicha imtiyozli muddat o‘rnatish imkoniyati: 6 oygacha.

Kredit valyutasi:

• O‘zR milliy valyutasi – so‘m.

• Chet el valyutasi

Foiz stavkasi:

• 23,99% dan boshlab – milliy valyutadagi kreditlar bo‘yicha (18 oygacha)

• 24,99% dan boshlab – milliy valyutadagi kreditlar bo‘yicha (36 oygacha)

• 25,99% dan boshlab – milliy valyutadagi kreditlar bo‘yicha (60 oygacha)

• 12,99% dan boshlab – chet el valyutadagi kreditlar bo‘yicha (36 oygacha)

Kreditning minimal summasi: belgilanmagan.

Kreditning maksimal summasi: belgilanmagan, O‘zR Markaziy bankining iqtisodiy me’yorlari doirasida mijozning to‘lovga qobiliyatini hisobga olgan holda yakka tartibda hisoblanadi.

Kreditni so‘ndirish: har oylik, annuitet yoki tabaqalashtirilgan to‘lovlar bilan.

Muvofiq ta’minot turlari:

• "InFinBank" AJda ochilgan hisobraqamlardagi erkin ayirboshlanadigan va milliy valyutadagi pul mablag‘larini garovga qo‘yish;

• bank va sug‘urta kompaniyalarining kafolatlari;

• ko‘char va ko‘chmas mulk garovi;

• mulkiy huquq (talab) garovi;

• davlat qimmatli qog‘ozlari, O‘zbekiston Respublikasi Markaziy banki qimmatli qog‘ozlari garovi, amaldagi qonunchilikda taqiqlanmagan boshqa qimmatli qog‘ozlar garovi hamda ustav fondlaridagi ulushlar;

• kredit mablag‘lari hisobiga quriladigan obyektlar;

• to‘lov qobiliyati va moliyaviy ishonchliligi tekshirilgan uchinchi shaxslarning kafilligi;

• moliyaviy barqaror sug‘urta kompaniyalarining sug‘urta polislari;

• amaldagi qonun hujjatlarida taqiqlanmagan boshqa ta’minot turlari.

Ta’minlanganlik foizi:

• Kredit summasining kamida 125 foizi.

• Qarz oluvchi bank bilan bog‘liq bo‘lgan taqdirda, qonun hujjatlarida belgilangan miqdorlarda.

Qarz oluvchilarga qo‘yiladigan majburiy talablar:

• O‘zbekiston Respublikasi qonunchiligida belgilangan tartibda ro‘yxatdan o‘tgan tadbirkorlik subyektlari;

• "InFinBank" ATBda talab qilib olinguncha depozit hisobraqami (asosiy yoki ikkilamchi) mavjud bo‘lishi;

• Qarz oluvchi/Birgalikda qarz oluvchi/Kafilning salbiy kredit tarixi bo‘lmasligi;

• Qarz oluvchi/ Birgalikda qarz oluvchi/Kafilning joriy pul oqimlari kreditni o‘z vaqtida to‘lash uchun yetarli bo‘lishi;

• Qarz oluvchi/ Birgalikda qarz oluvchi/Kafilning balansi likvid va faoliyati zarar keltirmaydigan bo‘lishi;

• Agar Qarz oluvchining faoliyati litsenziyalashtirilishi talab etilsa, amalga oshirilayotgan faoliyat bo‘yicha tegishli ruxsatnomalar va litsenziyalar mavjud bo‘lishi;

• Potensial Qarz oluvchi/ Birgalikda qarz oluvchi/Kafilga qo‘yiladigan boshqa talablar, ta’minot va kredit olish shartlari Bankning Kredit siyosati hamda tegishli ichki me’yoriy hujjatlari bilan tartibga solinadi.

Qarz oluvchi tomonidan taqdim etiladigan hujjatlar ro‘yxati:

• Kreditning barcha shartlari va ta’minoti tavsifi bilan kredit arizasi;

• Qarz oluvchining davlat ro‘yxatidan o‘tganligi to‘g‘risidagi guvohnoma;

• Korxona ustavi va ta’sis hujjatlarining barcha o‘zgartirishlar bilan nusxasi;

• Agar shaxs qarz oluvchining vakili bo‘lsa, uning nomidan kredit shartnomasini imzolash huquqini tasdiqlovchi hujjatlar nusxasi, imzo namunalari.

• So‘nggi moliyaviy yil uchun hamda joriy oyning birinchi sanasi holatiga buxgalteriya balansi va moliyaviy natijalar to‘g‘risidagi hisobot ko‘rinishidagi moliyaviy hisobot, asosiy vositalar, debitorlik va kreditorlik qarzlarining tafsiloti.

• Qarz oluvchining vakolatli organi tomonidan tegishli shartlarda zarur kredit miqdorini jalb etish va kredit bo‘yicha ta’minot taqdim etish to‘g‘risidagi qarori;

• Qarz oluvchining boshqa banklarda hisobraqamlari mavjud bo‘lgan taqdirda, xizmat ko‘rsatuvchi banklarning qarz oluvchining kreditlar, lizing, akkreditivlar va boshqa majburiyatlar bo‘yicha qarzdorligi mavjud emasligi/mavjudligi to‘g‘risidagi ma’lumotnomasi, shuningdek xizmat ko‘rsatuvchi bankning xati ko‘rinishida so‘nggi 12 oydagi aylanmalar haqidagi ma’lumotlar va elektron shaklda ularning tafsiloti;

• So‘ralgan kredit doirasida to‘lanadigan shartnomalar hamda ularga oid huquqiy xulosalar

• Biznes-rejaga muvofiq mahsulotni sotish bo‘yicha shartnomalar va niyat bayonnomalari;

• Qarz oluvchining faoliyat turi bo‘yicha talab etilsa, litsenziya va boshqa ruxsat beruvchi hujjatlar;

• "InFinBank" AJning korporativ kreditlash bo‘linmalari tomonidan amalga oshiriladigan kredit operatsiyalari bo‘yicha ta’minot predmetini qabul qilish va baholash tartibi"ga muvofiq taqdim etiladigan ta’minot hujjatlari

Jalb etilgan mablag‘lar hisobidan ushbu mahsulot doirasida kredit berish shartlari jalb etilgan liniyalar shartlaridan kelib chiqqan holda belgilanadi.