Faktoring

Moliyalashtirish shakli: Faktoring shartnomasini bir martalik tuzish yo‘li bilan.

Moliyalashtirish muddati: 120 kun

So‘ndirish: Moliyalashtirish muddati tugagach, bir martalik tarzda.

Moliyalashtirish maqsadi: Tadbirkorlar uchun faktoring xizmati — bu xo‘jalik yurituvchi subyektlar, ya’ni yetkazib beruvchilarni moliyalashtirishga qaratilgan bank xizmati turi bo‘lib, u faktoring shartnomasi asosida amalga oshiriladi. Ushbu shartnoma doirasida yetkazib beruvchi (keyingi o‘rinlarda — mijoz) bankka — moliyaviy agentga tovarlar yetkazib berilgan, ishlar bajarilgan yoki xizmatlar ko‘rsatilgan, ammo to‘lovchilar tomonidan hali to‘lanmagan debitorlik qarziga bo‘lgan huquqini topshiradi.

Moliyalashtirish usuli: To‘lov milliy valyutada bank o‘tkazmasi orqali amalga oshiriladi.

Moliyalashtirish valyutasi: O‘zbekiston Respublikasi milliy valyutasi — so‘m.

Diskont: yillik 18,00%dan

Moliyalashtirishning minimal summasi: belgilanmagan.

Moliyalashtirishning maksimal summasi: Faktoring summasi mijozning to‘lov qobiliyatidan yoki debitorlik qarzi miqdoridan kelib chiqib belgilanadi.

Kredit oluvchi va uning faoliyatiga qo‘yiladigan majburiy talablar:

• Kredit oluvchining tadbirkorlik subyekti sifatida davlat ro‘yxatidan o‘tganiga kamida 6 oy bo‘lgan bo‘lishi;
• “InFinBank” AJda talab qilib olinadigan (asosiy yoki qo‘shimcha) depozit hisobvarag‘ining mavjudligi;
• Salbiy kredit tarixining yo‘qligi;
• Kredit oluvchining balansi likvid bo‘lishi va faoliyati zarar bilan yakunlanmagan bo‘lishi;
• “Kartoteka-2” mavjud emasligi;
• Kreditga layoqatlilik darajasi 3-darajadan past bo‘lmasligi

*Agar kreditga layoqatlilik darajasi 3-darajadan past bo‘lsa, Bank faktoring bo‘yicha arizani likvid ta’minot mavjudligi va garov huquqining rasmiy ro‘yxatdan o‘tkazilishi sharti bilan ko‘rib chiqishi mumkin.

Kredit oluvchi tomonidan taqdim etiladigan hujjatlar ro‘yxati:

1. Faktoring shartlari va korxonaning kredit tarixini hamda moliyaviy hisobotini tahlil qilish maqsadida tegishli ma’lumotlar bazalariga qayd kiritish va olishga roziligini ko‘rsatuvchi ariza; (agar faktoring regress huquqi bilan ko‘rsatilsa, korxona ma’lumotlarini tegishli bazalarga kiritish va olishga roziligi ko‘rsatilgan ariza taqdim etilishi shart);
2. Korxonaning ta’sis hujjatlari va vakolatli organlar tayinlanganligini tasdiqlovchi hujjatlar (qarorlar va buyruqlar nusxalari);
3. Ta’sischilarning umumiy yig‘ilishi bayonnomasi va tashkilotning faktoring xizmatidan foydalanish to‘g‘risidagi buyrug‘i;
4. Korxonaning so‘nggi hisobot sanasidagi buxgalteriya hisobotlari, jumladan: “1-shakl: Buxgalteriya balansi”, “2-shakl: Moliyaviy natijalar to‘g‘risida hisobot”, “Debitorlik va kreditorlik qarzining tafsilotlari”,korxona rahbari imzosi va muhr bilan tasdiqlangan holda, moliyaviy hisobotlarni soliq organlariga elektron shaklda topshirilganini tasdiqlovchi ma’lumotnoma ilova qilinadi;
5. Shartnomalarni imzolash huquqini tasdiqlovchi imzo namunalari nusxasi.
6. Boshqa banklarda ochilgan hisobvaraqlar ro‘yxati.
7. Agar tashabbuskor xaridor bo‘lsa (teskari faktoring):
8. Tovar-moddiy boyliklar topshirilganligini, ishlar bajarilganini va xizmatlar ko‘rsatilganini tasdiqlovchi hujjatlar (hisob-fakturalar, tovar-transport yuk xatlari, ishonchnoma nusxalari, ishlarni qabul qilish hujjatlari va hokazo);
9. Xaridordan (Bank nomiga) sotib olinayotgan debitorlik qarzini to‘lashni tasdiqlovchi yoki unga rozilik bildirilgan xat.
10. Agar tashabbuskor yetkazib beruvchi bo‘lsa: - - Yetkazib beruvchi va xaridor/to‘lovchining boshqa banklarda ochilgan hisobvaraqlari ro‘yxati;
11. Xaridor bilan o‘rnatilgan tartibda rasmiylashtirilgan oldi-sotdi shartnomasi;
12. Tovar-moddiy boyliklar topshirilganini, ishlar bajarilganini va xizmatlar ko‘rsatilganini tasdiqlovchi hujjatlar (hisob-fakturalar, tovar-transport yuk xatlari, ishonchnoma nusxalari, ishlarni qabul qilish hujjatlari va hokazo), shuningdek xaridor tomonidan to‘lovni tasdiqlash/unga rozilik xati (xaridor ishtirokidagi uch tomonlama shartnomalar bundan mustasno).

Xatarlarni kamaytirish maqsadida Bank qo‘shimcha hujjatlarni talab qilishi mumkin.