Infin Green

Kreditlash shakli: kredit liniyasini ochmasdan (bir martalik ajratma yoki o‘tkazmalar shaklida)

Kreditlash usuli: Pul mablag‘larini mijozning ssuda hisobvarag‘idan taqdim etilgan oldi-sotdi shartnomalariga muvofiq tarzda yetkazib beruvchilarning joriy hisob raqamlariga naqd pulsiz o‘tkazish.

Kredit maqsadi: Energiyadan samarali foydalanish va qayta tiklanuvchi energiya manbalariga oid loyihalarni moliyalashtirish.

Kredit manbai: Bankning o‘z mablag‘lari.

Kredit valyutasi: O‘zbekiston Respublikasi milliy valyutasi — so‘m.

Kredit muddati: 60 oygacha

Asosiy qarzni to‘lash bo‘yicha imtiyozli davr: 6 oygacha

Foiz stavkasi: O‘zbekiston Respublikasi Markaziy bankining qayta moliyalash stavkasi + 7%

Agar moliyalashtirish Bankning o‘z mablag‘lari hisobidan amalga oshirilsa — yillik 23,99% dan boshlab.

Kreditning minimal miqdori: belgilanmagan

Kreditning maksimal miqdori: 1 milliard so‘mgacha

Kreditni so‘ndirish tartibi:

oyma-oy, annuitet yoki differensial to‘lovlar shaklida

Qabul qilinadigan ta’minot turlari:

• «InFinBank» AJda ochilgan hisoblarda joylashgan erkin konvertatsiya qilinadigan va milliy valyutadagi pul mablag‘lari garovi;
• banklar va sug‘urta kompaniyalari kafolatlari;
• ko‘chma/ko‘chmas mulk garovi;
• mulkiy huquq (talab huquqi) garovi;
• davlat qimmatli qog‘ozlari, O‘zbekiston Respublikasi Markaziy banki qimmatli qog‘ozlari, amaldagi qonunchilikda taqiqlanmagan boshqa qimmatli qog‘ozlar hamda ustav fondlaridagi ulushlar garovi;
• to‘lov qobiliyati va moliyaviy barqarorligi tekshirilgan uchinchi shaxslarning kafilligi;
• moliyaviy jihatdan barqaror sug‘urta kompaniyalarining sug‘urta polis(lar)i;

amaldagi qonunchilikda taqiqlanmagan boshqa ta’minot turlari.

Ta’minot darajasi: Kredit summasining kamida 125 foizi miqdorida ta’minot.

Qarz oluvchiga majburiy talablar:

• O‘zbekiston Respublikasi qonunchiligiga muvofiq ro‘yxatdan o‘tgan tadbirkorlik subyektlari;
• “InFinBank” AJda talab qilib olinadigan (asosiy yoki qo‘shimcha) depozit hisobvarag‘ining mavjudligi;
• Qarz oluvchi/birgalikda qarz oluvchi/kafillarning salbiy kredit tarixining yo‘qligi;
• Qarz oluvchi/ birgalikda qarz oluvchi/kafillarning joriy pul oqimlari kreditni o‘z vaqtida qaytarish uchun yetarli bo‘lishi;
• Qarz oluvchi/ birgalikda qarz oluvchi/kafillarning balansi likvid bo‘lishi va faoliyati zarar keltirmasligi;
• Qarz oluvchining faoliyati litsenziyalash talab etiladigan sohalarga taalluqli bo‘lsa, tegishli ruxsatnomalar va litsenziyalarning mavjudligi.

Qarz oluvchi/hamqarz oluvchi/kafillarga, ta’minotga va kredit olish shartlariga qo‘yiladigan boshqa talablar bankning Kredit siyosati hamda boshqa mahalliy me’yoriy hujjatlar bilan tartibga solinadi.

Moliyalashtirishni ochish tartibi:

• Moliyalashtirish Bankka qonunchilikda belgilangan tartibda rasmiylashtirilgan ta’minot hamda garov obyekti sug‘urtalanganidan so‘ng ochiladi.

Kredit oluvchi tomonidan taqdim etiladigan hujjatlar ro‘yxati:

• Kredit shartlari va ta’minotini to‘liq tavsiflovchi kredit arizasi;
• Loyihaga doir rejalashtirilgan energiya tejash (samaradorlik) jadvali — loyiha amalga oshirilishidan oldin va keyingi davrda energiya iste’moli xarajatlarining tahlili (tabiiy va pul ifodasida).
• Qarz oluvchining davlat ro‘yxatidan o‘tganligi to‘g‘risidagi guvohnoma;
• Кorxonaning ustavi va ta’sis hujjatlarining barcha o‘zgartirishlar bilan birga nusxalari;
• Qarz oluvchi nomidan kredit shartnomasini imzolash huquqiga ega shaxsning vakolatini tasdiqlovchi hujjatlar nusxasi, agar shaxs vakil bo‘lsa, imzo namunalarini ham o‘z ichiga olgan holda;
• Moliyaviy hisobot — buxgalteriya balansi va moliyaviy natijalar to‘g‘risidagi hisobot shaklida, joriy oyning birinchi sanasiga;
• Kreditni tegishli shartlarda jalb etish va kredit bo‘yicha ta’minot taqdim etish to‘g‘risida Qarzdor/Yordamchi qarzdorning vakolatli organi qarori;
• Agar boshqa banklarda hisob raqamlari mavjud bo‘lsa — xizmat ko‘rsatuvchi banklardan qarzdorning kartoteka №2, kreditlar, lizing, akkreditivlar bo‘yicha qarzdorligi mavjudligi/yo‘qligi haqidagi ma’lumotnomalar, shuningdek, so‘nggi 12 oy davomida aylanmalar to‘g‘risidagi ma’lumot xat shaklida va elektron tafsilotlarda;
• So‘ralayotgan kredit doirasida to‘lanadigan shartnomalar;
• Bankning ichki normativ hujjatlarida belgilangan talablar asosida taqdim etiladigan ta’minot bo‘yicha hujjatlar.

Ushbu mahsulot doirasida jalb qilingan mablag‘lar hisobidan beriladigan kreditlar shartlari jalb qilingan liniyalar shartlaridan kelib chiqib belgilanadi.